Innlogging til Visma skule - Kommunikasjon mellom skule og føresette
Klikk her for innlogging til Visma skule - føresettportalen
Skulane i Austrheim kommune brukar Visma Flyt skule som skuleadministrativt system.
Føresett-appen Min skole
Austrheim kommune har innført Visma Flyt Skole sin føresett-app Min Skole som kommunikasjonskanal mellom heim og skule.
Alle meldingar som sendast mellom skulen og føresette via føresett-appen Min Skole, loggførast på eleven si meldingsfane i Visma Flyt Skole.
NB - ikkje send sensitiv informasjon (som detaljar om sjukdom eller mistrivsel) i føresett-appen, og heller ikkje på sms eller e-post til skulen.
Webversjonen av Visma Flyt skole (føresettportalen)
Som føresett kan du logge på webversjonen av Visma Flyt skole med
ID-porten.
I webversjonen kan du blant anna:
- Sjekke at kontaktinformasjon og personinformasjon for elev og føresette er riktig
- Finne kontaktinformasjon til skulen og lenker/dokument skulen legg ut
- Endre varslingsinnstillingar
- Lese vurderingar og karakterar
- Lese eleven sine dokument
- Følgje med på fråvær som er ført på eleven
- Oversikt over merknader
- Finne og svare på digitale spørjeskjema
- Søke permisjon
- Søke, sei opp eller endre SFO-plass
- Sjekke fakturagrunnlaget for SFO-plass
- Sjå kva faggrupper og faglærarar eleven har.
Skulerute
For skule- og barnehagerute klikk her:
Skulekrinsar
Elevar som bur mellom kommunegrensa mot Alver ved Mongstad, og Kilstraumbrua, soknar til Kaland skule. Elevar som bur mellom Kilstraumbrua og kommunegrensa mot Alver ved Fosnstraumbrua, soknar til Årås skule.
Frå skuleåret 2022/23 er heile kommunen felles ungdomsskulekrins. Dette skuletilbodet er ved Årås skule.
Ta kontakt med Innbyggjarservice på telefon 56 16 20 00 om du lurer på kva skulekrins barnet ditt soknar til.
Gå på annan skule enn nærskulen
Det kan vera særlege grunnar til at ein elev og foreldre ønskjer skulestad ved ein annan skule enn det som er nærskulen. Det kan til dømes vera grunngjeve med flytting, mellombels bustad eller sosial-pedagogiske tilhøve. Foreldra tar då kontakt med skulen ein høyrer til, der ein får rettleiing om vilkår og framgangsmåte.
Søknader blir behandla av kommunen etter reglane om enkeltvedtak.