Skal du byggja ny landbruksveg eller byggja om ein eksisterande, må du søkja om løyve frå kommunen. Søknadskjema (LDIR-902 Søknad om bygging av landbruksveg), ei kartskisse og anna relevant informasjon (godkjent avkøyrsle, nabovarsling) skal sendast saman med søknad til felles landbrukskontor.
Landbruksvegar skal ha skogbruk eller jordbruk som hovudformål. Om vegen i hovudsak blir nytta til anna formål (t.d. veg til hytte/hus eller til friluftsliv), skal den handsamast som byggesak etter Plan- og bygningslova.
Avkøyrsle landbruksveger
Alle nye eller endra avkøyrsler (og endra bruk) til kommunal eller statleg veg skal godkjennast på førehand. Skal avkøyrsle eller velteplass til statleg veg (fylkes- og riksvegar) byggast, flyttast, få auka eller endra bruk må ein søkja Statens vegvesen på skjema "Søknad om avkøyrsle eller dispensasjon frå byggegrenser ".
Ved tiltak på eller ved kommunal veg skal tenkisk drift i kommunen kontaktast.
Radøy kommune: postmottak@radoy.kommune.no
Forskrift om bygging av landbruksveger.
Forskrifta gjeld bilvegar og traktorvegar som skal nyttast til skogbruk- og jordbruksdrift og som vert bygde i samsvar med vegnormaler for landbruksvegar fastsatt av Landbruks – og matdepartementet.
Føremålet med forskrifta er å sikra at planlegging og bygging av landbruksvegar skjer på en måte som gjev landbruksfaglege gode løysingar. Det skal leggast vekt på miljøverdiar knytt til naturmiljø, landskap, kulturminne og friluftsliv, samt andre interesser som blir råka av vegbygginga.
Tilskott til skogbruksveger
Skogbruksvegar kan få tilskot. Søknadskjema (LDIR-903 Søknad om tilskudd til vegbygging) skal fylles ut og sendast kommunen. Landbrukskontoret vurderer søknaden og sender den vidare til Fylkesmannen for handsaming.