Vekst i folketalet

Folketalet i Austrheim gjekk opp med 25 personar i løpet av første kvartal 2024, og enda på 2 906. Om veksten held fram, kan kommunen etter kvart passera 3 000 innbyggjarar for første gong.

Fødselstalet var 7 i løpet av kvartalet, medan 8 gjekk bort. Det som gjev folkevekst i år er innflytting. Som så mange andre kommunar i både regionen og landet elles, har Austrheim tatt i mot krigsflyktningar frå Ukraina.

Under ser du folketalsutviklinga historisk i Austrheim, frå 1951 til 2024. Dette er tal per 1. januar, som ein ser har Austrheim aldri nokon gong vore over dagens tal på 2 906 innbyggjarar per 1. januar, men ein kan ha vore høgare ved kvartalsteljingar slik som denne siste.

Landet sett under eitt så var det ein vekst folketalet på 12 160 personar i løpet av dei tre første månadene i 2024. Ved utgangen av 1. kvartal var det samla folketalet i landet 5 562 363.

Det Austrheim me kjenner i dag har vore eigen kommune sidan 1947. Ved innføringa av formannskapslovene frå 1837 fekk kommunane sjølvstyre med innføring av formannskap og representantskap (kommunestyre). Austrheim var då del av Lindås kommune, fram til 1910, det året blei kyrkjesokna  Austrheim og Fedje delt frå, som Austrheim kommune. I 1947 var det ei ny deling, der Fedje gjekk ut og vart eigen kommune. Sidan det har Austrheim vore uendra.

Innbyggjartalet i Austrheim, ved inngangen av kvart kalenderår:
(kjelde SSB)