HjemNyheterSnart tid for strandrydding

Snart tid for strandrydding

Organisasjonen Hold Norge Rent inviterer saman med NGIR til ei nasjonal strandryddeveke, 8. – 17. september 2023.
Publisert: 14.08.2023
Sist endra: 14.08.2023

Over to helger, med ei veke mellom, er det klart for ein ny felles nasjonal aksjon for å rydda ei strand, eller holme, øy, sti eller langs ei elv eller innsjø.

Nordhordland og Gulen interkommunale renovasjonsselskap (NGIR) er sjølvsagt også med på dugnaden, og har sett ut kassar med ryddeutstyr ei rekkje stader i regionen.

I 2022 var det registrert 800.000 deltakarar i små og store strandryddeaksjonar, vil du vera med i år kan du sjekka ut nettsidene til Hold Norge Rent (klikk her, ekstern lenke).

I appen Rydde eller på nettsida Ryddenorge.no kan du registrera ryddeaksjonen din. (Les meir om appen på ryddenorge.no - ekstern lenke).

Så kan du henta hanskar og strandryddesekkar i ein av kassane NGIR har plassert rundt i distriktet.

Treng du henting av avfallet sender du ein e-post til strandrydding@ngir.no for å avtala dette. 

Her finn du kassar med strandryddeutstyr:

  • Joker Byrknes
  • Vidsyn Sløvåg
  • Joker Brekke
  • Spar Hosteland
  • Matkroken Fedje
  • Joker Austrheim (ved dei tidlegare butikklokala)
  • Coop Marked Modalen
  • Bunnpris Bøvågen
  • Nærbutikken Feste
  • Rema1000 Ostereidet
  • Rema1000 Frekhaug
  • Amfi Knarvik (utanfor Innbyggjarservice)
  • Mjåtveit Gjenvinningsstasjon (utsida av gjerdet)
  • Manger Gjenvinningsstasjon (utsida av gjerdet)
  • Kjevikdalen Gjenvinningsstasjon (utsida av gjerdet)