HjemNyheterKorona- og vaksinestatus fredag 24. september 2021

Korona- og vaksinestatus fredag 24. september 2021

Om du ønskjer å få Korona-vaksine, men ikkje har meldt deg enno, hastar det no med å melda seg. Ta kontakt med legekontoret for å avtala time.

Ta også kontakt dersom du har tatt dose 1, og ønskjer å framskunda dose 2.

Når du har gjort avtale om vaksinetime, så MÅ du møta til timen din, eller gje beskjed i god tid dersom du til dømes er sjuk.

Vaksinen kjem i glas med fleire dosar, slik at ein risikerer å kasta dosar dersom folk ikkje stiller til timen sin. Det er sløsing med dosar, og andre kunne vore innkalla til vaksinering dersom legekontoret hadde fått beskjed tidleg nok.

Kontakt med legekontoret

  • Du kan ringa legekontoret på 56 16 82 00, måndag til fredag mellom 08.30 og 12.00, og mellom 13.00 og 15.00.
  • Det er viktig at ein svarer telefonen når legekontoret ringer for å avtala time.

Vaksinen er gratis, og det er frivillig å ta den eller ikkje.

Opnar samfunnet igjen

Regjeringa har bestemt at samfunnet no skal opnast igjen etter halvanna år med ulike Korona-tiltak. Tidspunktet er sett til er laurdag 25. september klokka 16.00.

Samstundes er kommunane pålagt å ha auka beredskap, for å kunna innføra lokale tiltak dersom det oppstår smitteutbrot. Ved symptom skal ein framleis gjera tiltak for å unngå smittespreiing.

Klikk her for å lesa hjå regjeringen.no.

Testing for Korona

I Austrheim vert det testa for Korona på måndagar, tysdagar, onsdagar og torsdagar. Alle dagar er det testing frå klokka 11.10, hugs at du må ringa legekontoret for å avtala time til testing.

Fullvaksinerte skal framleis testa seg ved symptom på Korona/Covid-19. Symptoma er ofte svakare enn for dei som er uvaksinerte.

Koronasertifikatet ditt kan du sjå på Helsenorge.no, klikk på denne lenka her: 

Skjema for eigenerklæring

Under her er ein link til eit skjema som skal fyllast ut av dei som skal ha vaksine, dette skal du ha med deg til Austrheimhallen når vaksinen skal settast. Du kan skriva skjemaet ut frå nettet, eller henta det i Servicekontoret på kommunehuset. Der ligg desse tilgjengeleg rett innom døra.

Eigenerklæringsskjema til deg som har fått tilbod om Koronavaksine

Smittestopp-appen

Her kan du sjå Folkehelseinstituttet sin videosnutt om appen, som gjer det lettare å driva smittesporing ved eit eventuelt utbrot: Smittestopp på nettsida Vimeo


Sist oppdatert: 24.09.2021
Publisert: 24.09.2021