Influensavaksinering 2020
Vaksinasjonsdagar:
Tysdag 27. oktober kl. 15.00-17:00
Torsdag 29. oktober kl. 15:00-17:00
Fram til 1. desember er årets influensavaksinar forbeholdt helsepersonell med pasientkontakt og personar som er i risikogruppa.
Koronapandemien endrar ikkje anbefalingane for influensavaksinasjon. Det er dei same risikogruppene som tidlegare som anbefalast å ta influensavaksine.
Særleg viktig er det at personar som er i risiko for alvorleg sjukdom vaksinerer seg. Det er viktig å vera klar over at vaksine mot covid-19 ikkje er kommen enno, og at influensavaksinen ikkje beskyttar mot koronasmitte.
Før 1. desember er det ikkje mogeleg for andre enn risikogruppa og helsepersonell å vaksinere seg. Dette pga. talet vaksinar kommunen får tilsendt.
Dette er risikogruppene:
Alder og underliggande sjukdom
• Personar som er 65 år eller eldre
• Vaksne og born med alvorlege luftvegssjukdomar, spesielt personar med nedsett lungekapasitet.
• Vaksne og born med kroniske hjarte/karsjukdomar, spesielt personar med alvorleg hjartesvikt, lavt minuttvolum eller pulmonal hypertensjon
• Vaksne og born med nedsett infeksjonsresistens
• Vaksne og born med diabetes mellitus (både type 1 og type 2)
• Vaksne og born med kronisk nyresvikt
• Vaksne og born med kronisk leversvikt.
• Vaksne og barn med kronisk, nevrologisk sjukdom eller skade
• Vaksne og born med svært alvorleg fedme, dvs. kroppsmasseindeks (BMI) over 40 kg/m2
• Bebuar på alders- og sjukeheim
Graviditet:
• Gravide i 2 og 3. trimester.
• Gravide i 1. trimester med annan tilleggsrisiko kan vurderast for vaksinasjon
Det vert i år òg gjeve tilbod om pneumokokkvaksine (dvs. vaksine mot div. luftvegsinfeksjonar).
Tilbodet gjeld same risikogruppe som for influensavaksinen, men og til personar utan milt/nedsett miltfunksjon. Legane prioriterer kven som treng pneumokokkvaksine ut frå etterspurnad.
Influensavaksinen kostar i år kr. 50,- i eigendel for dei som er i risikogruppa. Har du frikort kostar det ingenting.
Pneumokokkvaksinen kostar kr. 350,-
Det er fint om de tek med akkurat summen vaksinen kostar, vekslepengar kan vera eit problem.
Influensavaksinane kjem til kommunen i veke 42.
Vaksinasjonsdagar:
Tysdag 27. oktober kl. 15.00 - 17.00
Torsdag 29. oktober kl. 15.00 - 17.00
Me ser helst at dei som skal ha vaksine møter ein av desse dagane.
Stad: Austrheim idrettshall.
For spørsmål kontakt Austrheim legekontor tlf: 56 16 82 00
Austrheim legekontor – Kommuneoverlegen